Kók týdyń kógimizge kóterilip, patrıotızmnyń rýhyn ańqyldatqan kóńildi gımnniń shyrqalǵan kúni barlyq qazaqtyń úlken qýanyshy. Búgingi tańda qazaqstandyqtar patrıottyq sanasy óte bıik eldermen teńese alatyn salıqaly el. Barlyq qazaqstandyqtar shetelderge shyqqanda óziniń kók týynyń kózine ottaı basylatynyn jarysa aıtyp jatady.
Soltústikqazaqstandyqtar memlekettik rámizderdi alǵashqy jáne ázirge sońǵy zertteýshi ózderiniń jerlesi, qazaqtyń aqyl-oıynyń antologııasyn qurastyrǵan, aqyn Erbol Sháımerdenov bolǵanyn da maqtanyshpen aıtady. Búgin Qyzyljarda bolǵan birneshe sharada Memlekettik rámizder týraly aıtylyp, án-kúıler de shyrqalyp jatty, sonymen birge Erbol Sháımerdenovty da eske alǵan, ádemi pikirler aıtyldy. Máselen, qaladaǵy 8-shi mekteptiń aýlasynda ótkizilgen sharada Lıdııa Jemchýjnıkova degen oqýshy óziniń Erbol Shámerdenov aǵasyn jaqsy biletinin, onyń shyǵarmalaryn súıip oqıtynyn aıtty. Qazaqsha jap-jaqsy sóıleıtin qyz balanyń nıetine rızashylyǵymyzdy jasyra almadyq.
Barlyq sharalarda rámizderdi jasaǵan avtorlar jáne olardyń eńbekteri men súıengen tarıhı derekterine qurylǵan ádemi áńgimeler aıtylyp, án men kúı de jalǵasyp jatty. Qala ishindegi merekelik sharalar keshke qaraı Soltústik Qazaqstan oblystyq ýnıversıtetinen bastalyp, qala irgesindegi «Pestroe» kóline deıin jalǵasatyn avtosherýmen aıaqtalatyn bolady. Ony uıymdastastyrǵan «Nur Otan» partııasynyń jastar qanatynyń músheleri. Osy saǵattarda olar qyzý daıyndyq ústinde.
QYZYLJAR