Shaıbaly hokkeı týraly jazatyn áıgili eýropalyq Hockeyarchives.info basylymy osy maýsymda táýir óner kórsetken Eýropanyń eń úzdik 250 komandasynyń reıtıngin jasap shyqty.
Qurlyqtyq hokkeı lıgasynda (QHL) baq synaıtyn elordanyń «Barys» klýby birinshiliktiń bıylǵy maýsymynda Shyǵys konferensııasynda ekinshi orynǵa turaqtap, Chernyshev dıvızıonda top jardy. Sonymen qatar Gagarın kýbogynyń shırek fınalyna deıin jetken edi. Osyndaı aıtýly jetistiginen keıin jerlesterimiz eýropalyq basylymnyń reıtınginde 9-orynnan kórindi. О́tken jylmen salystyrǵanda «Barys» on saty joǵarylaǵan jáne TOP-10 komandanyń qataryna kirgen tarıhtaǵy alǵashqy Qazaqstan klýby atandy.
«Barystan» bólek tizimde qazaqstandyq komandalardan «Saryarqa» 171-orynda bolsa, «Torpedo» – 181-shi, «Arlan» – 201-shi, «Ertis» – 216-shy, «Almaty» – 221-shi, «Beıbarys» – 234-shi satyǵa jaıǵasqan. Reıtıngtiń kóshin Máskeýdiń SSKA klýby bastap tur. Ekinshi orynda Shvesııanyń «Lýleo» komandasy bolsa, alǵashqy úshtikti Qazannyń «Ak Bars» klýby túıindedi.