Koronavırýstyń taralýyna jol bermeý jónindegi vedomstvoaralyq komıssııa Aqmola oblysynda taǵy 5 adam indet juqtyrǵanyn habarlady.
Vırýsty juqtyrǵandardyń barlyǵy Selınograd aýdanynyń Qaraótkel kentindegi bir úı oshaǵynan anyqtaldy. Olar — 1964 jylǵy er adam, 1991 jylǵy áıel adam jáne 2011, 2014, 2019 jyldary týǵan balalar. Barlyǵynan synamalar buǵan deıin koronavırýsty juqtyrǵan adammen jaqyn baılanysta bolǵany úshin epıdemıologııalyq kórsetkishter boıynsha alyndy. Olar bekitilgen hattamaǵa sáıkes emdelý úshin Kókshetaý qalasynyń AOTQD jiberiledi.
Úı oshaǵynda epıdemııaǵa qarsy is-sharalar oryndaldy. Jaqyn jáne áleýetti baılanysta bolǵan adamdardy anyqtaý boıynsha sanıtarııalyq-epıdemıologııalyq tekserý jumystary vırýsty juqtyrǵandardyń turǵylyqty jeri men jumys orny boıynsha jasalady. О́tken táýliktegi jaǵdaı boıynsha oblysta COVID-19 ınfeksııasymen jalpy 172 adam tirkelgen, olardyń ishinde 138 adam emdelip shyqqan.