Parlament Senatynyń Tóraǵasy Máýlen Áshimbaev AQSh-tyń Qazaqstandaǵy Tótenshe jáne О́kiletti elshisi Ýılıam Mozermen kezdesti. Bul týraly Parlament Senatynyń baspasóz qyzmeti habarlady.
Kezdesý barysynda taraptar eki el arasyndaǵy ekonomıkalyq, áleýmettik-mádenı jáne saıası qarym-qatynas máseleleri boıynsha pikir almasty.
Senat Tóraǵasy el Prezıdenti Q.K.Toqaevtyń saıası reformalaryn zańnamalyq qamtamasyz etýge baǵyttalǵan Palatanyń jumysyna toqtalyp, Memleket basshysynyń jańǵyrtylǵan jalpy kún tártibin sóz etti.
Sondaı-aq, Máýlen Áshimbaev Qazaqstannyń demokratııalyq úderisterdi damytýdy jalǵastyrýǵa nıetti ekenine basa mán berip, eki eldiń parlament ókilderi arasyndaǵy yntymaqtastyqty odan ári nyǵaıtý qajettigin atap ótti.