5 maýsym kúni Olımpıadalyq jáne olımpıadalyq emes sport túrlerinen qazaqstandyq federasııalar QR Ulttyq Olımpıadalyq komıtetiniń taný týraly sertıfıkattaryn aldy, dep habarlaıdy Olympic.kz.
Qazaqstan UOK bas hatshysy Andreı Krıýkov Nur-Sultanda Qazaqstan golf federasııasy, Qazaqstan Respýblıkasynyń etnosport qaýymdastyǵy (sonyń ishinde teńge ilý sporty boıynsha) men Qazaqstan tekbol federasııasynyna taný týraly arnaıy sertıkatty tabystady. Taǵy da 5 federasııa Qazaqstan UOK Almatydaǵy fılıalynan resmı qujatty alady. Atap aıtqanda, «Kazakhstan Fullcontact Karate Organization», Qazaqstan Respýblıkasynyń paýerlıftıng federasııasy, Meıbýkan Godzıý-rıý karate-do federasııasy, Jelken sporty federasııasy, Qazaqstan sporttyq balyq aýlaý federasııasy jáne «Qazaq Cybersport Federation».
«Sport federasııalaryn taný týraly sertıfıkat - Qazaqstanda sportty damytý úshin sporttyq is-árekettiń zańdylyǵyn rastaıtyn negizgi qujat. Qaýipsizdik maqsatynda osyndaı mańyzdy ári saltanatty sharany jabyq formatta ótkizýge týra keldi», dep atap ótti bas hatshy.
«Kóptegen qyzmetkerlerimiz qashyqtan jumys istegenine qaramastan UOK qalypty jumys rejıminde jumysyn jalǵastyrýda. Bul bizdiń federasııalar men ulttyq qurama komandalaryn qamtamasyz etý úshin qajet. Osy aptanyń basynda tótenshe jaǵdaı alynyp tastalǵannan keıin sportshylar jattyǵýlaryna oraldy. Biraq buǵan deıin UOK jedel shtaby federasııalarmen birge birneshe apta boıy daıyndyq jumystaryn júrgizdi. Elimizdiń bas sanıtarlyq dárigeri bekitken sporttyq nysandarǵa qoıylatyn talaptardan basqa, UOK KVI ınfeksııasyn juqtyrý qaýpin azaıtý maqsatynda qosymsha erejeler ázirledi. Oqý-jattyǵý jıyndary UOK tarapynan tirkelgen sporttyq bazalarda barlyq saqtyq sharalaryn qatań saqtanýmen sanıtarlyq-dezınfeksııalyq rejımde ótip jatqanyn eskerte ketken jón», - dedi A.Krıýkov.
Qazaqstan Respýblıkasy Ulttyq Olımpıadalyq komıtetiniń federasııany taný týraly sertıfıkaty - Qazaqstanda atalǵan sport túrin damytý boıynsha federasııa naqty, shynaıy jáne uzaq merzimdi jumys atqaryp jatqandyǵyn rastaıtyn qujat. Federasııada Ulttyq Olımpıadalyq komıtetimen tanylýy “Dene shynyqtyrý jáne sport týraly” Qazaqstan Respýblıkasy Zańyna sáıkes Qazaqstan Respýblıkasy mádenıet jáne sport Mınıstrliginde salalyq akkredıtasııalaýdan ótý prosedýrasynyń bir sharty bolyp tabylady. Jáne federasııaǵa sport túrin Qazaqstan Respýblıkasy aýmaǵynda damytý quzyrettiligi beriledi.
Osyǵan deıin QR UOK tarapynan taný sertıfıkaty olımpıadalyq jáne olımpıadalyq emes sport túrleri boıynsha 75 ulttyq sporttyq federasııaǵa tabys etilgen. Taný sertıfıkatyna ıe bolǵan sporttyq federasııalardyń tolyq tizimimen Ulttyq Olımpıadalyq komıtettiń resmı saıtynan tanysýǵa bolady.