Belgııa bıligi «Al-Kaıda» uıymynyń belsendi múshesi Nazır Trabelsıdi Amerıkaǵa tapsyrdy. Bul týraly ITAR-TASS habaralady.
AQSh ádilet mınıstrliginiń málimetine qaraǵanda, Belgııa túrmesinde 10 jyl qamaýda bolǵan Nazır Trabelsı endi Amerıka sotyna jaýap beredi.
43 jasar bul azamat Amerıka áskerılerine qastandyq jasaýǵa árekettengeni jáne terrorıstik topty qoldaǵany úshin ómir boıyna túrmege qamalýy múmkin. Arnaıy qyzmet ókilderiniń aqparyna júginsek, Nazır Trabelsı 2001 jyly Aýǵanstannyń Qandaǵar qalasynda «Al-Kaıda» basshysy Ýsama ben Ladenmen kezdesip, odan AQSh áskerı áýe kúshteri bazasyna jasalýǵa negizdelgen teraktiniń baǵyt-baǵdary jóninde aqparat alady.
Amerıkanyń BAQ ókilderi málimdegendeı, Nazır Trabelsı «Al-Kaıda» uıymyna kirmes buryn kásipqoı fýtbolshy bolyp, Germanııa býndeslıgasynyń «Fortýna» fýtbol klýbynda óner kórsetken eken.
Aıdar О́risbaev.