Bokstan Qazaqstannyń eresekter arasyndaǵy bıylǵy chempıonaty 22-29 qarasha aralyǵynda Atyraý qalasynda ótedi. Bul týraly Qazaqstan Boks federasııasynyń baspasóz qyzmeti habarlady.
Sheshim 30 qyrkúıek kúni Almatyda ótken Qazaqstan Boks federasııasynyń atqarýshy komıteti otyrysynda qabyldandy.
Elimiz Boks federasııasynyń vıse-prezıdenti Danııar Ábilǵazınniń tóraǵalyǵymen ótken otyrystyń kún tártibinde bokstan Almatyda eresekter arasynda ótetin álem chempıonatyna daıyndyq jáne álem birinshiligi aldyndaǵy ulttyq quramanyń jattyǵý jıyndaryn uıymdastyrý máseleleri qaraldy.
Al Qazaqstan chempıonatyn qabyldaýǵa Atyraý jáne Ońtústik Qazaqstan oblystarynyń federasııalarynan ótinish túsken eken. Daýysqa salý nátıjesinde basymdyq bulardyń aldyńǵysyna berildi. Otyrysta sondaı-aq, Qazaqstan boks federasııasynyń músheleri, elimizdiń jasóspirimder quramasynyń aǵa jattyqtyrýshysy Qaırat Sátjanov, Kıevte ótken álem chempıonatynda altyn medal jeńip alǵan Abylaıhan Júsipov pen Rahat Marjyqpaev marapatqa ıe boldy.
Rýslan Igilik.