Qostanaı oblystyq tótenshe jaǵdaılar qyzmetiniń habarlaýynsha, kún ysyǵaly ózen-kólderdegi qaıǵyly oqıǵa jıilep barady. Mysaly, ótken aptanyń ózinde ǵana balyq aýlaýǵa jáne shomylýǵa barǵan 5 adam sýǵa ketip otyr.
"О́kinishke qaraı, qaıǵyly oqıǵalardyń basym bóligi tyıym salynǵan akvatorııalarda, qutqarý beketterinen edáýir shalǵaı jatqan aýyldardyń mańyndaǵy ózen-kólderde sýǵa túsýshiler arasynda jıi oryn alyp otyr. Áýesqoı balyqshylar men jazǵy demalys ýaqytynda sýǵa túsýshiler arasynda alkogoldi ishimdik ishetinder az emes. Munyń arty nemen aıaqtalatynyn ótken aptadaǵy statıstıka kórsetip otyr" - dedi A. Orymbaev.
Máselen, 7 maýsym kúni 00.10-da Sarykól aýdandyq polısııa bóliminiń qyzmetkerleri 1972 jyly týǵan áıel adamnyń máıitin sýdan alyp shyqqan. Kól jaǵasyna demalýǵa kelgen Ýrojaınyı eldi mekeniniń turǵyny tanysymen birge ishimdik ishken. Jaǵalaýdaǵy tyıym salatyn belgige qaramastan, kólge shomylǵan masań áıel sýdan qaıtyp shyqpaǵan.
Qazir tótenshe jaǵdaı qyzmetkerleri sý aıdyndaryndaǵy qaıǵyly oqıǵalardyń aldyn alý maqsatynda turǵyndarǵa sýdaǵy qaýipsizdik qaǵıdalaryn saqtaý kerektigin eskertý sharalaryn ótkizýde. Mundaı is-sharalar sýǵa shomylý maýsymy aıaqtalǵansha jalǵasady.
Qostanaı oblysy