Reseı prezıdenti Vladımır Pýtın joǵary synyp oqýshylaryna mektep bitirgenge deıin mektepterde sabaq berý quqyǵyn beretin zańǵa qol qoıdy. Qujat quqyqtyq aqparattyń resmı portalynda jarııalandy. Tıisti túzetýler "Reseı Federasııasyndaǵy bilim týraly" zańǵa engizildiǵ - dep habarlaıdy Egemen.kz
Federasııa Keńesiniń ǵylym, bilim jáne mádenıet jónindegi komıteti tóraǵasynyń orynbasary Vıktor Smırnovtyń aıtýynsha, sessııadan sátti ótken pedagogıkalyq joǵary oqý oryndarynyń stýdentteri tórtinshi kýrstan bastap mektepte sabaq bere alady.
Sonymen birge, tehnıkalyq joǵary oqý oryndarynyń stýdentteri úshinshi kýrstan bastap qosymsha jalpy bilim berý baǵdarlamalarynda - robototehnıka sııaqty seksııalar men úıirmelerde sabaq júrgize alady. Al jumys berýshi zańǵa sáıkes stýdenttiń bilim berý baǵdarlamasy qosymsha jalpy bilim berý baǵdarlamalarynyń taqyrybyna sáıkes keletindigin anyqtaı alady. Stýdentterdiń oqýǵa qabyldanýynyń naqty erejesin tıisti mınıstrlikter belgileıdi.