Qazirgi ýaqytta azamattar Halyqqa qyzmet kórsetý ortalyqtaryna barmaı-aq, 90 memlekettik qyzmetti SMS-parol arqyly ala alady. Bul týraly Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev halyqqa esep berý kezdesýinde aıtty, - dep jazady Egemen.kz
"Qazirgi ýaqytta azamattar 90 memlekettik qyzmetti SMS-parol arqyly ala alady. Bular, negizinen anyqtamalar men servıster. Biraq kompanııa ashý, mekenjaıǵa tirkelý, kólikti qaıta tirkeý sııaqty qyzmetterge ESQ qajet. ESQ-ny HQKO-na barmaı, qashyqtan alý týraly usynys óte kóp aıtyldy. Sol sebepti biz ESQ-ny qashyqtan alý múmkindigin tez arada júzege asyrdyq. Paıdalanýshyny ıdentıfıkasııalaý vıdeo arqyly júrgiziledi. Nátıjesinde, TJ kezinde 600 myńnan astam ESQ berildi. Bul proseske búgingi kúni SON-nyń 800-den astam qyzmetkeri qatysýda", dedi mınıstr.
Sondaı-aq ESQ-ny qoldaný prosesin jeńildetý jıi aıtyldy. О́ıtkeni, arnaıy baǵdarlama ornatý keıbir azamattarǵa qıyn boldy. Qazir osy prosesti jeńildetý úshin jumys júrgizilip jatyr.
"Birinshiden, qyzmetterdi QR-kod arqyly alý múmkindigin engizemiz. Azamat kompıýterde ótinimdi toltyryp, ony mobıldi qosymsha arqyly skanerlep jibere alady. Ekinshiden, biz qazir bultty ESQ-ny iske qosýmen aınalysyp jatyrmyz. Qosymsha baǵdarlama ornatpaı paıdalanýǵa bolady. Jazdyń sońyna deıin ony pılottyq rejımde iske qosamyz dep oılaımyn", dedi Asqar Jumaǵalıev.