Halyqaralyq aýyr atletıka federasııasynyń qyzmetine qatysty jalǵasyp jatqan tergeýde jemqorlyq faktileri anyqtalsa, atalǵan sport Olımpııa oıyndarynyń baǵdarlamasynan shyǵarylýy múmkin.
Halyqaralyq aýyr atletıka federasııasynyń keıingi eki saılaý kongresinde saılaýshylarǵa para berý órshigeni anyqtalyp, oń nátıje bergen 40 dopıng synamasy jasyrylǵan. Bul týraly aýyr atletıka boıynsha sybaılas jemqorlyqqa qatysty tergeýdi basqarǵan zańger Rıchard Maklaren málimdedi.
Sonymen qatar HOK basshysy Tomas Bah aýyr atletıka týraly Tamash Aıannyń baıandamasy qatty tańǵaldyrdyǵanyn aıtady. «Biz IWF-ti tazartýdyń jolyn tabýymyz kerek. Olarǵa kómekteskimiz keledi. Bizdiń qatań sharalar qabyldaýǵa quqyǵymyz bar. Tipti aýyr atletıkany Olımpıada baǵdarlamasynan shyǵaryp tastaýymyz da múmkin», dedi Bah.
Aıta keteıik, 81 jastaǵy Tamash Aıan IWF-ti 2000 jyldan 2020 jylǵa deıin basqarǵan. Sáýirde ótken IWF atqarýshy komıtetiniń otyrysynda Tamash Aıannyń otstavkasyn maquldaǵan bolatyn.