Qostanaı oblysynda ótken "Qarý" jedel aldyn alý sharasy barysynda lısenzııalyq ruqsat erejesin buzǵany úshin 45 qarý ıesi ákimshilik jaýapkershilikke tartyldy. Maýsymnyń segizinde bastalǵan is-shara qylmystyń aldyn alý maqsatynda júrip jatyr, - dep habarlady oblystyq polısııa departamentiniń baspasóz qyzmeti.
Shara barysynda tártip saqshylary azamattyq qarýy bar 1373 turǵyndy tekserip, lısenzııalyq-ruqsat berý erejelerine qatysty 53 zańbuzýshylyq anyqtaǵan. Onyń ishinde zańsyz qarý jáne oq-dári saqtaýǵa qatysty 8 materıal sotqa jiberilgen. Budan ózge, qarý saqtaýǵa jáne ony ózimen birge alyp júrýge quqyq beretin 8 ruqsat qujaty joıylyp otyr.
Mysaly, Qarasý aýdanynda ótken tekseris barysynda jergilikti turǵyndardyń birinen zań boıynsha tirkelmegen 12 kalıbrli "IJ-58" myltyǵy tárkilenip alyndy. Sondaı-aq, Qarabalyq aýdanynynyń turǵyny ruqsat qujatynsyz gaz pıstoletin saqtap kelgen.
Polıseıler reıd barysynda 8 qarý tárkilep alǵan. Munyń syrtynda, oblys turǵyndary 36 qarýdy óz erkimen polısııaǵa ákelip tapsyrǵan.
Qostanaı oblysy