Shahmattan ótken Clutch Chess International dep atalatyn onlaın-týrnır norvegııalyq Magnýs Karlsenniń jeńisimen aıaqtaldy, - dep habarlaıdy Egemen.kz.
Júlde qory 265 myń AQSh dollaryn quraǵan aıtýly jarysta segiz shahmatshy baq synaǵan edi. Solardyń arasynan Karlsen sýyrylyp shyqty. Sheshýshi tusta ol óziniń syralǵy qarsylasy Fabıano Karýnany 9,5:8,5 esebimen qapy qaldyrdy.
Esterińizge sala keteıik, 2013 jyly álem chempıony atanǵan Norvegııanyń Tensberg qalasynyń týmasy sol kezden beri eshkimge des bergen emes. Birneshe ret ol óz ataǵyn sátti qorǵady. Koronvırýs bastalǵaly beri 29 jastaǵy Magnýs Karlsen birneshe onlaın-týrnır uıymdastyrdy. Solardyń deni skandınavııalyq sańlaqtyń jeńisimen aıaqtaldy.