Ústimizdegi jylǵy, qazannyń 5-inen 6-yna qaraǵan túni Máskeýde reseılik Aleksandr Povetkın men ýkraınalyq Vladımır Klıchkonyń arasynda asa aýyr salmaqta álem chempıondyǵyn sarapqa salǵan jekpe-jek bolyp ótti. Mamandar qazir «ǵasyr jekpe-jegi» dep atap júrgen bul shaıqastyń barlyq 12 raýndynda V.Klıchko qarsylasynan bir súıem bolsa da artyq túsip otyrdy. Buǵan qosa, ol óz vızavıin osy ýaqyt aralyǵynda 4 márte nokdaýnǵa túsirdi.
Ústimizdegi jylǵy, qazannyń 5-inen 6-yna qaraǵan túni Máskeýde reseılik Aleksandr Povetkın men ýkraınalyq Vladımır Klıchkonyń arasynda asa aýyr salmaqta álem chempıondyǵyn sarapqa salǵan jekpe-jek bolyp ótti. Mamandar qazir «ǵasyr jekpe-jegi» dep atap júrgen bul shaıqastyń barlyq 12 raýndynda V.Klıchko qarsylasynan bir súıem bolsa da artyq túsip otyrdy. Buǵan qosa, ol óz vızavıin osy ýaqyt aralyǵynda 4 márte nokdaýnǵa túsirdi.
Bul kúni 37 jastaǵy Vladımır Klıchko WBA nusqasy boıynsha «sýperchempıon», sondaı-aq WBO jáne IBF boıynsha chempıon ataqtaryn qorǵaýǵa tıisti boldy. Taǵy bir derek, Vladımır Klıchko kásipqoılar arasynda 63 urys ótkizip, sonyń 60-ynda jeńiske jetken. Bulardyń 51-in nokaýtpen bitirgen. 3 ret utylǵan. Biraq sońǵy 9 jylda jeńilip kórmegen.
Birinshi mınýttardan A.Povetkınniń qorǵanysta qalmaıtyny belgili boldy. Ol birden alǵa umtyldy. Al V.Klıchko mundaı taktıkaǵa daıyn bolyp shyqty. Ýkraın boksshysy óziniń súıikti taktıkasy – klınchti jıi qoldandy. Boıy da, qoly da qysqa Povetkın alǵa kele bergende, ózine tym jaqyn jiberip alyp, birden qaýmalap qushaqtaı qoıady. Al alysta júrgeninde jeke-dara soqqylarymen qaıta-qaıta qarsylasynyń kekilin jelp-jelp etkizedi. Mundaı urysta kimniń djebti jaqsy qoldanatyny anyq kórinedi. Bul jaǵynan Vladımır taǵy da basym túsip jatty.
Shaıqastyń ortasyna qaraı Aleksandrdiń sharshaǵannan qulap qala jazdap júrgeni ańǵaryldy. Tek sońǵy raýndta ǵana reseılik boksshy qarsylasynyń júıkesine tıetin birer soqqy jasaı aldy. Alaıda, bul kezde kimniń jeńgeni belgili edi. Sońynda tóreshilerdiń úsheýi de 120:104 degen eseppen jeńisti ýkraın boksshysyna berdi. Buǵan qosatynymyz, jeńimpazdyń bul shaıqasta alǵan aqshasy 17 mln. dollarǵa jaqyndady.
Osy kúni «Olımpııskıı» rınginde taǵy birneshe qosymsha jekpe-jekter bolyp ótti. Aldymen reseılik Grıgorıı Drozd Eýropa chempıony polıak Mateýsh Masternakty erkin utty. Kelesi shaıqasta reseılik Rahım Chahkıev rýmyn Iýlıan Ilıeni nokaýtqa túsirdi. Al álemniń eks-chempıony ózbekstandyq Rýslan Chagaev RAVA belbeýi úshin talasta serb Iova Pýdardy upaı sanymen jeńdi.
Rýslan IGILIK.