Qazaqstan Respýblıkasy aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń 2020 jylǵy 11 maýsymdaǵy sheshimine sáıkes Densaýlyq saqtaý mınıstrliginiń usynymdaryn jáne epıdemıologııalyq jaǵdaıdy eskere otyryp, 2020 jylǵy 20 maýsymnan bastap Qazaqstannan Túrkııaǵa, Qytaıǵa, Ońtústik Koreıaǵa, Taılandqa, Grýzııa men Japonııaǵa halyqaralyq reıster kezeń-kezeńmen qaıtadan ashylady, - dep jazady Egemen.kz
Qazirgi ýaqytta otandyq jáne shetel áýe kompanııalary halyqaralyq reıster kestesin aldyn ala jasady. Reıster áýe kompanııalardyń veb-saıttarynda jarııalanǵan kestege sáıkes oryndalady. Sonymen birge, áýe kompanııalary reıster kestesin túzetýi múmkin.
Jolaýshylarǵa yńǵaıly bolý úshin halyqaralyq baǵyttarǵa, atap aıtqanda kestede kórsetilgen baǵyttar boıynsha (Túrkııa, Qytaı, Ońtústik Koreıa, Taıland jáne Grýzııa baǵyttary boıynsha) áýe bıletteri satyla bastady.
Sonymen birge, Qytaıda shekteý sharalarynyń engizilýine baılanysty qazaqstandyq jáne shetel áýe kompanııalarynyń kestesi qarastyrylyp jatyr.
Reıster Qazaqstan jáne shetelderdiń sanıtarlyq qaýipsizdik sharalary kúsheıtilgen jaǵdaıda oryndalady.