Fýtboldan Germanııa chempıonatynyń 32 týrynda Mıýnhenniń "Bavarııasynyń" jartylaı qorǵaýshysy Alfonso Devıs rekordtyq kórsetkishke qol jetkizdi, - dep habarlaıdy Egemen.kz.
Bremenniń "Verderine" qarsy kezdesýdiń bir epızodynda ol saǵatyna 36,51 shaqyrymdyq jyldamdyqpen júıtkidi. Osylaısha, Devıstiń esimi eń jyldam oıynshy retinde Býndeslıga tarıhyna jazyldy. Buǵan deıingi rekordtyq kórsetkish Dortmýndtyń "Borýssııa" klýbynyń qorǵaýshysy Asharaf Hakımıge tıes tıesili edi. Byltyrǵy jyldyń jeltoqsan aıynda ótken oıyndardyń birinde marokkolyq fýtbolshy 36,2 shaqyrymdyq jyldamdyqpen júgirgen edi.
Jańa rekordshyny jaqynyraq tanystyratyn bolsaq, 19 jastaǵy Alfonso Devıs Gananyń týmasy. Bes jasynda ol ata-anasymen birge Kanadaǵa qonys aýdardy. Sol jaqta júrip, fýtboldyń qyr-syryna qanyqty. Biraz ýaqyt jergilikti komandalardyń sapynda óner kórsetken Devıs 2018 jyly "Bavarııanyń" jeıdesin kıdi.