Memleket basshysy Qasym-Jomart Toqaev kúndelikti koronavırýsqa test tapsyryp jatyr. Bul týraly baspasóz hatshysy Berik Ýálı Facebook paraqshasynda jazdy, - dep habarlady Egemen.kz
"Sońǵy kúnderi Memleket basshysy Qasym-Jomart Toqaevtyń densaýlyǵyna qatysty elimizdiń kóptegen azamattary alańdaýshylyq bildirip, saýal joldap jatyr. Osyǵan oraı, Qasym-Jomart Kemelulynyń densaýlyǵy jaqsy ekenin habarlaımyn. Sońǵy kezderdegi epıdemıologııalyq jaǵdaıdyń órshı túsýine baılanysty, ol kúndelikti koronavırýsqa test tapsyryp jatyr. Tapsyrylǵan barlyq test synamasy teris nátıje kórsetti", dep jazdy Berik Ýálı.
Onyń aıtýynsha, Prezıdent jumys kestesine sáıkes onlaın-kezdesýler ótkizýde.
"Memleket basshysy óziniń qyzmet ornynda belgilengen jumys kestesine sáıkes, memlekettik organdar men vedomstvolardyń basshylarymen jáne qoǵamdyq uıymdardyń ókilderimen onlaın-kezdesýler ótkizýde. Qazaqstan Prezıdenti tvıt arqyly Elbasy Nursultan Ábishuly Nazarbaevtyń tezirek saýyǵyp ketýin tilep, Tuńǵysh Prezıdenttiń ózine tán myqty rýhynyń arqasynda, bul synaqty da jeńil eńseretinine senim bildirdi", dedi Berik Ýálı.