Qazaqstannyń Majarstandaǵy Elshisi Jánibek Ábdrashov Majarstan Memlekettik Jınalysynyń (Parlamentiniń) Tóraǵasy Laslo Kıovermen kezdesti, - dep habarlady SIM baspasóz qyzmeti.
Kezdesý barysynda taraptar eki eldiń parlamentaralyq yntymaqtastyq máselelerin jáne parlamentshileriniń "Dostyq tobynyń" qyzmetin talqylady. Suhbattasýshylar ózara tıimdi ekonomıkalyq yntymaqtastyqty odan ári ilgeriletýdiń, onyń ishinde saýda jáne ınvestısııa salalaryn damytýdyń mańyzdylyǵyn atap ótti. Sondaı-aq túrkitildes elderdiń Parlamenttik assambleıasy, Eýropalyq Keńestiń Parlamenttik assambleıasy jáne Eýropalyq Parlament aıasyndaǵy ózara is-qımyl máseleleri de qozǵaldy.
Qazaqstan Elshisi L.Kıoverge demokratııanyń bazalyq ınstıtýttaryn odan ári damytýǵa qatysty Qazaqstanda júzege asyrylyp jatqan saıası reformalar – azamattardyń beıbit jınalystarǵa quqyqtary, saılaýdy uıymdastyrý jáne qoǵamdyq-saıası ómirdi dáıekti yryqtandyrýdyń jańa kezeńin ashatyn saıası partııalardyń qyzmeti týraly habardar etti.
Kezdesý sońynda taraptar eki el arasyndaǵy áriptestiktiń strategııalyq deńgeıine negizdelgen ekijaqty qarym-qatynastardyń oń serpinin atap ótti.