Jasóspirim Fedorov aýylyndaǵy jasandy sý qoımasyna batyp ketken. Balanyń denesi búgin tús aýa jaǵadan 13 metr jerdegi 2 metr tereńdikten tabyldy. Qutqarýshylar balanyń ruqsat etilmegen jaǵalaýda sýǵa túskenin, arty osyndaı qaıǵyly oqıǵamen aıaqtalyp otyrǵanyn aıtty, - dep habarlaıdy Egemen.kz.
Segiz jastar bala bıyl birinshi synypty aıaqtapty. Ata-anasynyń aıtýynsha, 20 maýsym kúni saǵat 15.00 shamasynda bala ózimen birge skeıtbordyn alyp, oınaýǵa kóshege shyǵyp ketken. Ata-anasy keshke taman izdeı bastaıdy. Tabylmaǵan soń, sol kúni polısııaǵa habarlaıdy. Sýǵa ketken balanyń kól jaǵasynda ózge de jasóspirimdermen birge bolǵany anyqtalǵan.
"Qaıǵyly oqıǵaǵa qatysty sot-medısına saraptamasy taǵaıyndaldy. Sý qoımalary mańynda ornalasqan eldi mekenderde turatyn ata-analardyń balalaryn kózden tasa etpeýin suraımyz. Kez kelgen sý qoımasynyń qaipti ekenin esten shyǵarmaǵan jón", - dep habarlady tótenshe jaǵdaı departamentiniń syrtqy kommýnıkasııa toby.
Qostanaı oblysynda shomylý maýsymy bastalǵaly, ózen-kólderdegi qaıǵyly oqıǵa jıilep ketti. aımaqta osymen segizinshi adam sýǵa ketip otyr. Olardyń ishinde toǵyz jasqa deıingi 3 bala bar.
Qostanaı oblysy