Biliktilikti jetildirý jáne qashyqtyqtan oqytý ortalyǵymen uıymdastyrylǵan "Jańa realııadaǵy qashyqtyqtan bilim berý: máseleler, sheshý joldary" jazǵy mektep aıasynda Tárbıe departamentiniń bastamasymen tárbıe jetekshilerine arnalǵan "Qashyqtyqtan oqytý formatynda stýdentterdiń bos ýaqytyn uıymdastyrý" onlaın-semınary ótti, - dep habarlaıdy Egemen.kz.
Semınar jumysyn Tárbıe jumysy jáne áleýmettik damý jónindegi prorektor Janatbek Ishpekbaev ashyp, qashyqtyqtan oqytý úderisi barysynda sońǵy úsh aıda ýnıversıtetimizde jastar arasynda onlaın formatynda uıymdastyrylǵan sharalarǵa toqtalyp ótti. Tótenshe jaǵdaıǵa qaramastan ýnıversıtet jastary qashyqtyqtan bilim alýlarymen qatar áleýmettik jelilerde belsendilikteri arta túskendigin atap aıtty.
Semınar spıkerleri Ýnıversıtettiń daýmyna psıhologııalyq qoldaý ortalyǵynyń dırektory Jámılıa Namazbaeva, Pedagogıka kafedrasynyń professory Aıman Berikhanova, Jas ǵalymdar keńesiniń tóraǵasy Rýslan Seıtqazıev óz kezeginde aqparattyq-psıhologııalyq qaýipsizdik, bolashaq pedagog tulǵasyn qalyptastyrýdyń tetikteri,kıberkeńistik, jastardyń áleýmettik belsendilikterin artyrý máseleleri tóńireginde mazmundy baıandamalar jasap, oılaryn ortaǵa saldy.
Semınarǵa 80-ge jýyq tárbıe jetekshileri qatysyp, spıkerlerge tulǵany tárbıeleý, jastardyń azamattyq jaýapkershilikterin arttyrý máseleleri boıynsha saýaldaryn qoıyp, jan-jaqty jaýaptaryn aldy.
Semınar qorytyndysy boıynsha qatysýshylar tarapynan jastarǵa áleýmettik-psıhologııalyq kómek, tárbıe jumysyn uıymdastyrýdyń utymdy tustary boıynsha birqatar usynystar berildi. Osy oraıda ýnıversıtet rektory Takır Balyqbaevtyń bastamasymen 2018 jyldan beri dástúrli túrde uıymdastyrylyp kele jatqan qysqy jáne jazǵy mektepter ýnıversıtet qyzmetkerleri men oqytýshylar quramyna óz betinshe bilimderin jetildirýge septigin tıgizip keletindigin aıta ketken abzal