Qostanaı oblysynyń polısııa departamenti mýzeıinde qyzmettik boryshyn oryndaý barysynda erlikpen qaza tapqan Darhan Bazarbaevqa arnalǵan Erlik buryshy ashyldy, - dep habarlaıdy Egemen.kz.
Polısııa serjanty bıyl qańtar aıynyń 18-nen 19-na qaraǵan túni qyzmettik boryshyn atqarý ústinde qaskóıdiń qolynan mert bolǵan edi. Otbasylyq janjaldyń nátıjesinde óz týystaryna qaýip tóndirgen 28 jastaǵy Tobyl qalasynyń turǵyny shaqyrtý boıynsha barǵan Darhanǵa pyshaq uryp alǵan. Qapyda júrek tusynan jaraqat alǵan qaısar azamat sanaýly mınýt ǵumyry qalǵanyna qaramastan, qaskóıdi baılap-matap, otbasyna tóngen qaýiptiń aldyn kesedi. Oqıǵa ornyna kelgen jedel járdem polısııa serjantynyń ómirine arasha tura almady.
Memleket basshysy Qasym-Jomart Toqaevtyń Jarlyǵymen qyzmettik boryshyn atqarý barysynda erlik pen janqııarlyq kórsetkenDarhan Bazarbaev III dárejeli "Aıbyn" ordenimen marapattaldy.
"Darhan Bazarbaevtyń jarqyn beınesi erliktiń, qaısarlyq pen azamattyqtyń úlgisi retinde júregimizde máńgi qaldy. Ol Qazaqstan polısııasynyń dańqty dástúrlerin jalǵastyrdy, qyzmettik boryshyna degen adaldyqtyń úlgisin kórsetti", - dedi Qostanaı oblysy PD bastyǵynyń orynbasary polısııa polkovnıgi Ardaq Yntyqbaev.
Departament murajaıynda Ǵazız Baıtasov,Medet Dosymhanov syndy erjúrek polısııa qyzmetkerlerine arnalǵan stendter qoıylǵan. Onda tártip saqshylarynyń erlik isteri, ómirbaıandary jazylǵan jáne marapattary saqtalǵan.
Qostanaı oblysy