Fýtboldan Ispanııa La Lıgasynda 30-týr oıyndarynan keıin týrnır kestesinde kóshbasshy ózgerdi. Týrdyń ortalyq matchynda Madrıdtiń «Realy» syrt alańda «Real Sosedad» komandasyn jeńip, birinshi oryndaǵy «Barselonany» qýyp jetti.
San-Sebastıan qalasynda ótken matchta 2:1 esebimen «Real» jeńiske jetti. Oıyndaǵy úsh goldyń úsheýi de ekinshi taımda soǵyldy. 50-mınýtta «Real» kapıtany Serhıo Ramos penaltıden esepti ashsa, 70-mınýtta Karım Benzema komandasynyń ekinshi golyn soqty. Al 83-mınýtta alań ıelerinen Mıkel Merıno bir golmen jaýap qaıtardy.
Bul jeńisten keıin madrıdtik klýbtyń upaıy «Barselonamen» teńesti. Biraq Zıdannyń komandasy ózara oıynda Katalonııa komandasynan basym túskeni úshin Ispanııa chempıonatynda top bastady. Eki komandanyń qorjynynda 65 upaı bar. Al 47 upaıy bar «Real Sosedad» altynshy orynda qalyp qoıdy.
Aıta keteıik, «Barselona» bul týrda «Sevılıamen» teń túsip (0:0), mańyzdy eki upaıynan aıyrylyp qaldy.