О́zbekstannyń quqyq qorǵaý organdary Tashkent pen Tashkent oblysynda "Katıba Taýhıd val - jıhad" terrorıstik uıymyna qatysy bar degen kúdikpen 25 adamdy ustady. Bul týraly Ria.ru habarlady, dep jazady Egemen.kz
"О́zbekstan Respýblıkasy IIM, MBK (memlekettik qaýipsizdik qyzmeti), IIBB, Tashkent MBK qyzmetkerleri birlesip jedel is - sharalar ótkizdi, onyń barysynda Tashkent jáne Tashkent oblysy aýmaǵynda jasyryn áreket jasaǵan "Katıba Taýhıd val-jıhad" halyqaralyq terrorıstik uıymy tobynyń jaqtaýshylarynyń zańsyz is-áreketteri áshkerelendi", - delingen IIM Telegram-kanalyndaǵy habarlamada.
Ishki ister mınıstrliginiń málimetinshe, ustalǵandar qazirgi ýaqytta Sırııadaǵy toptar qatarynda qyzmet atqaryp júrgen О́zbekstan azamattarynyń ıdeologııalyq yqpalyna túsken jáne terrorıstik toptar tarapynan urys qımyldaryn júrgizý úshin osy elge barýdy josparlaǵan.