Nur-Sultanda kóshe shamdary (natrıı shamymen) zamanaýı energııa únemdeıtin jaryqdıodty shamdarǵa aýystyrylýda. Mamandardyń aıtýynsha, olar uzaq merzimge jaraıdy jáne elektr energııasyn únemdeýge múmkindik beredi, - dep habarlaıdy Egemen.kz.
"Atalǵan shamdar elektr energııasyn únemdeýge múmkindik berip, qarapaıym shamdarǵa qaraǵanda áldeqaıda jaryq bolady. Únemdiligi – 35-40%. Sondaı-aq olar joldarda, ásirese túngi ýaqytta tıimdiligi joǵary jáne joldardy avtokólik júrgizýshileri úshin jaryq jáne qaýipsiz etedi. Bul jaıaý júrginshiler úshin de yńǵaıly. Qalada 47 myń jaryq núktesi bar, bıyl biz 10 myńyn aýystyrýdy josparlap otyrmyz. 3 jyl ishinde búkil qala boıynsha osy jumysty aıaqtaý josparlanyp otyr", – dep atap ótti qala ákiminiń orynbasary Altynbek Qaısaǵalıev.
Mysaly, Sátbaev kóshesindegi kóshe shamdary, Muńaıtpasov pen Toqpanov, Sharl de Goll, Amanjolov, Imanov, Tashenov, Baraev tuıyq kósheleri, Bógenbaı batyr dańǵyly (bir jaǵy, jumystar jalǵasýda), Iаnýshkevıch, Pýshkın jáne t. b. energııa únemdeıtin jaryqdıodty shamdarǵa aýystyryldy.
Sondaı-aq elordada aýlalardy, úı aýmaqtary men qoǵamdyq oryndardy abattandyrý boıynsha belsendi jumystar júrgizilýde. Bıyl 150 aýla men 50 qoǵamdyq keńistik (saıabaqtar, skverler) abattandyrylady.