2020 jyldyń 1 maýsymynan bastap Armenııa Respýblıkasynan ákelingen kólik quraldaryn ýaqytsha tirkeý Pavlodar oblysy halyqqa qyzmet kórsetýdiń 4 ortalyǵynda (Pavlodar, Ekibastuz, Aqsý, Ertis aýdany) júzege asyrylady, dep habarlaıdy pavlodarnews.kz tilshisi.
QR IIM málimetterine sáıkes, Pavlodar oblysynyń turǵyndary Armenııa Respýblıkasynan 182 avtokólik ákelse, onyń 77-si oń rýlmen basqarylady jáne tirkeýge jatpaıdy. Búgingi kúni naýqan bastalǵannan beri tirkeý esebine 58 avtokólik qoıyldy.
- Kólik quraldary ıelerine memlekettik tirkeý belgileri 14 aımaqpen A árpiniń belgisi bar sary túste berildi, - dedi Pavlodar oblysy PD baspasóz qyzmetinde. - Osy tirkeýmen avtokólik ıeleri Qazaqstan Respýblıkasynyń aýmaǵynda da, odan tys jerlerde de erkin júre alady. Jyl saıyn tehnıkalyq tekserýden ótip, sonymen qatar avtomobıl kóligi salyǵyn tóleıdi.
Armenııa Respýblıkasynan kelgen avtokóliktiń árbir ıesimen polısııa qyzmetkerleri túsindirý jumystaryn júrgizedi, kólikti tirkeý erejelerin túsindiredi.
Armenııa Respýblıkasynan ákelingen avtokólik quraldaryn tirkeýge qatysty barlyq qyzyqtyratyn máseleler boıynsha oblys turǵyndary anyqtamany Pavlodar oblysy PD qyzmetkerlerinen Call -ortalyǵynyń 33-38-06 telefon nómiri arqyly ala alady.