Elordada maska shyǵaratyn taǵy bir kásiporyn ashyldy. Bul týraly Aıdar Mahambet atty qoldanýshy Facebook paraqshasynda jazdy.
"Myna indetke qarsy kúresý úshin bizdiń dostarymyz elordamyzda jańa maska zaýytyn iske qosqaly tur. Áli sertıfıkattaryn alý kerek, odan keıin zaýyttyń ónimin satyp alýǵa bolady. Atap aıtqanda "Bolashaq 2019" JShS táýligine 45 myń betperde shyǵarady", dep jazdy Aıdar Mahambet.
Aıta keteıik, 30 maýsymdaǵy jaǵdaı boıynsha, elimizde táýligine 772 myń betperde óndiriledi. Onyń ishinde farmasevtıkalyq kásiporyndar - 567 myń, tigin kásiporyndary - 204 myń dana tigedi. Qoımalarda 4 mln astam betperde bar. Tıisti aqparat "SQ-Farmasııa" JShS-ne berilip turady. О́z kezeginde QR Densaýlyq saqtaý mınıstrligi óndirilgen ónimdi el óńirlerine bóledi. Búginde dáke jáne bózden tigilgen betperdeler atqarýshy organdarmen jasalǵan shart negizinde jetkiziledi. Qazirgi kezde betperde óndirisi QR Indýstrııa jáne ınfraqurylymdyq damý mınıstrliginiń qatań baqylaýyna alyndy. Qosymsha óndiristi iske qosý jáne óndiristi keńeıtý nátıjesinde betperdeler óndirisiniń kólemi táýligine 1 mln danaǵa jetti.