О́ńirler boıynsha KVI jaǵdaıy týraly Densaýlyq saqtaý vıse-mınıstri Ajar Ǵınııat aıtyp berdi, - dep habarlaıdy Egemen.kz
"Kóptegen elderde ınfeksııa taralýynyń ekinshi tolqyny júrip jatyr. Elimizde kún saıyn KVI juqtyrǵandar sany ósip keledi. Tirkelgen jaǵdaılardyń ósimi bir aıda shamamen 4,5% qurady. Oblystarda ósim 2%-dan 8%-ǵa deıin kóterilýde. Qazirgi tańda kúnine ortasha eseppen 1500 adam aýyrady. Osy kúnge deıin aýrýhanalarda KVI pnevmonııasymen 8500 naýqas emdelip jatyr.Sońǵy aıda eń joǵary ósimi Nur-Sultan, Almaty, Shymkent, Atyraý, Qaraǵandy oblystarynda baıqalady", - dedi A. Ǵınııat.Jeke adamdar arasynda KVI-dyń eń joǵarǵy ósimi Atyraý oblysynda, Almaty qalasynda, BQO, Mańǵystaý, ShQO-da baıqalady."Aýrý taraýdyń ózindik erekshelikteri bar. Azamattar Nur-Sultan qalasynda syrqattanýyna baılanysty medısınalyq uıymdarǵa ózdiginen kóp júginedi. Ol elimiz boıynsha jalpy ólim jaǵdaılar sanynan 1/3 bóligin qurap otyr. Almaty qalasynda KVI-men aýyratyndardyń úlesi skrınıng kezinde jáne baılanysta bolǵan adamdar arasynda anyqtalýda. Búgingi tańda stasıonarlarda reanımasııalyq tósekter tapshy bolyp otyr. Bul jerde pnevmonııanyń aýyr túrimen aýyratyn naýqastar em alýda", dedi vıse-mınıstr.Vıse-mınıstrdiń aıtýynsha, KVI boıynsha kúrdeli úshinshi óńir - Atyraý oblysy. Ken oryndarynda órshýler kóp bolýyna baılanysty oblys boıynsha tósek-oryndar tez tolyqty. Bul jerdegi jumyskerler ártúrli oblystar men óńirlerden keledi. Shymkent qalasynda reanımasııalyq tósek-oryndar jetkiliksiz. BQO-da syrtqy jaǵdaılardan ákelingender kóp.