Memleket basshysynyń shyndyqty, ádilettikti jáne eńbekke yntalandyrýdy qamtamasyz etý maqsatyndaǵy tapsyrmasyn oryndaý úshin 2020 jyldyń basynan ataýly áleýmettik kómek (AÁK) kórsetýdiń jańa tetigi engizilgeni belgili. Jalpy AÁK kórsetýdiń jańa tetigi AÁK taǵaıyndaý úshin toqsan saıyn qujattardy qaıta tapsyrýdy qarastyrady.
Aǵymdaǵy jyldyń ekinshi toqsanynda tótenshe jaǵdaıdyń egizilýine baılanysty, sonymen qatar kórsetiletin qyzmetti alýshymen tikeleı qatynasty boldyrmaý maqsatynda Mınıstr buıryǵymen (2020 jyldyń 25 naýryzyndaǵy № 109) 4 222 otbasyǵa (20 974 adam) AÁK taǵaıyndaý merzimi avtomatty (ótinishsiz) túrde uzartyldy.
Bul týraly búgingi onlaın brıfıngte Almaty qalasy Áleýmettik ál-aýqat Basqarmasy basshysynyń orynbasary Danııar Álkebaıuly málimdedi.
- Búgingi kúngi pandemııalyq jaǵdaıdy eskere otyryp, sonymen qatar kórsetiletin qyzmetti alýshymen tikeleı qatynasty boldyrmaý úshin Mınıstrlikpen (Mınıstrdiń 2020 jylǵy 25 naýryzdaǵy № 109 buıryǵyna ózgerister engizý týraly) AÁK alýshylary (03.06.2020 jyl jaǵdaıy boıynsha) júginýisiz bıylǵy 2 toqsandaǵy tabys negizinde aqparattyq júıede avtomatty túrde ótinish qalyptastyrýdy qarastyratyn buıryq jobasy daıyndalýda.
Osyǵan oraı, azamattardyń qaýipsizdigi úshin, sonymen qatar tikeleı qatynasty boldyrmaý úshin bıylǵy 30 maýsymy jaǵdaıynda AÁK alýshylary bolyp tabylatyn azamattarǵa 2020 jyldyń 3 toqsanyna qujattardy qaıta tapsyrý úshin aýdandyq áleýmettik ál-aýqat bólimderine júginbeýlerin suraımyz. Atalǵan azamattardyń ótinishteri aqparattyq júıe arqyly avtomatty túrde qalyptastyrylady.
Sonymen birge, AÁK-ge ótinish usynbaǵan azamattar karantın rejımi kezeńinde AÁK taǵaıyndaý úshin "Elektrondyq úkimet" portalynyń (e.gov.kz) "Elektrondyq ótinish" paraqshasy arqyly jeke basyn kýálandyratyn qujatty qosa usyna otyryp ótinish bere alady, - dedi Danııar Álkebaıuly.