Aqtóbe oblysynyń Hromtaý aýdanynda zańsyz qarasora egilgeni anyqtaldy, dep habarlaıdy Egemen.kz Ishki ister mınıstrliginiń baspasóz qyzmetine silteme jasap.
Hromtaý aýdandyq polısııa bóliminiń qyzmetkerleri Esirtki qylmysyna qarsy is-qımyl basqarmasynyń qyzmetkerlerimen birlese otyryp “Qarasora-2020″ jedel aldyn alý is-sharasyn ótkizý barysynda 53 jastaǵy Hromtaý aýdanynyń turǵyny óz úıiniń aýlasynda quramynda esirtki zattary bar ósirýge tyıym salynǵan ósimdikterdi (qarasora) zańsyz ósiretini anyqtady. Polısııa qyzmetkerleri úı mańyndaǵy ýchaskeden 19 túp qarasora tárkiledi. Saraptama taǵaıyndaldy.
Tergeý áreketteri júrgizilip jatyr. “Quramynda esirtki zattary bar ósirýge tyıym salynǵan ósimdikterdi zańsyz ósirý” QR QK-niń 300-baby 1-bólimi boıynsha sotqa deıingi tergeý bastaldy.
Eske salaıyq, quramynda esirtki bar ósimdikterdi ósirý jáne egý jáne esirtkini taratý úshin qylmystyq jaýapkershilik qarastyrylǵan. Polıseıler turǵyndardy zııandy ádetterden bas tartyp, salaýatty ómir saltyn ustanýǵa shaqyrady.