Qaraǵandy oblysy Elbasynyń bastamasymen qurylǵan #Bizbirgemiz #NurOtan respýblıkalyq qaıyrymdylyq aksııasyn alǵashqylardyń biri bolyp bastady, – dep habarlaıdy Egemen.kz oblys ákiminiń baspasóz qyzmetine silteme jasap.
Atalǵan is-shara aıasynda óńir turǵyndary Birgemiz qorynan aqshalaı kómek aldy. Birinshi kezekte kómekke asa muqtaj jandar – az qamtylǵan kóp balaly otbasylar, múmkindigi shekteýli adamdar ıe boldy. Aksııa boıynsha mobıldi toptar halyqtyń áleýmettik osal bóligine birinshi qajettilik ónimderi men gıgıenalyq quraldaryn jetkizdi. 19 naýryz men 3 shilde aralyǵynda Qaraǵandy oblysynda 13 myń adamǵa 207,5 mln teńgeden astam somanyń kómegi kórsetildi.
Sáýirdiń 9-y men 6 mamyr aralyǵynda Birgemiz-Qaragandy qaıyrymdylyq qorynan 1-shi jáne 2-shi transh aıasynda Qaraǵandy, Temirtaý, Jezqazǵan qalalarynyń 32 057 turǵynyna 50 myń teńgeden tólendi.
Maýsym aıynyń basynda Balqash, Sátbaev, Saran, Qarajal, Prıozersk, Shahtınsk qalalarynyń, sondaı-aq Abaı jáne Buqar jyraý aýdandarynyń 9 621 turǵynyna 3-shi transh boıynsha tólemder berildi.
Tórtinshi transh arqyly kelgen kómekpen 30 maýsymnan bastap Aqtoǵaı, Jańaarqa, Qarqaraly, Nura, Osakarov, Ulytaý jáne Shet aýdandarynda 5 309 adam qamtyldy.
Qoryta aıtqanda, Qaraǵandy oblysynyń 47 myń turǵyny Birgemiz qorynan 50 myń teńgeden aqshalaı kómek aldy. Tólemderdiń jalpy somasy shamamen 2,4 mlrd teńgeni qurady.
Qaraǵandy oblysy