National Geographic fotograftary Nur-Sultan qalasynyń sýretterimen arnaıy fotokórme uıymdastyrdy. Jaqynda kórme onlaın rejımde qoljetimdi bolady – siz álemniń kez kelgen núktesinen Qazaqstan astanasynyń sýretterin kóre alasyz. Bul týraly qala ákimdiginiń resmı saıty habarlady, - dep jazady Egemen.kz
Kadrlarda elordanyń shynaıy ómiri beınelengen: aıazdy qys sýretteri ystyq jaz kúnderin almastyryp, qalanyń kórikti jerleri, kúndelikti ómiri, mańyzdy oıyndar kezindegi jankúıerler jáne t.b.
Internettegi fotokórme National Geographic fotograftarynyń obektıvi arqyly astanany búkil álemge kórsetedi. Atap aıtqanda, álemge áıgili National Geographic fotografy Djordj Shtaınmatstyń fotosýretteri usynylǵan (George Steinmetz). Galereıada qazaqstandyq avtorlardyń fotosýretteri de bar.