"Túrikmengaz" memlekettik konserninde qysqartý jalǵasyp jatyr. 1 qyrkúıekke deıin uıymnyń Ashhabad qurylymdarynda 450 qyzmetker jumystan bosatylady, dep habarlaıdy Egemen.kz
Maýsym aıynyń ortasynda konsern basshylyǵy uıym zańgerleriniń qatysýymen qyzmetkerlerge aldaǵy qysqartýlar týraly eskertken edi. Olarǵa eksporttalatyn gaz úshin kútiletin paıdanyń joqtyǵyna baılanysty qyzmetkerlerdiń basym kópshiligin ustaý rentabeldi emes ekenin túsindirdi. Osyǵan baılanysty, barlyq qyzmetkerler shildeniń 1-ine deıin jumystan ketý týraly aryz jazýlary tıis bolǵan.
Alaıda jumysshylar aryz jazýdan bas tartyp, keıbiri prokýratýraǵa júgingen.
1 shildede eshkimdi jumystan bosatqan joq. Biraq basshylyq qyzmetkerlerin qaıta jınap, qyrkúıektiń 1-inde jumystan bosatylatyndary týraly aıtty. Bul joly eshqandaı shaǵymdar kómektespeıtindigin jáne eki aı kólemindegi járdemaqy tólenetinin atap ótti.