Qazaqstan terrıtorııasynda tirkelgen dári-dármekterdiń baǵasy rettelip, shekteýli baǵalary bekitilgen. Dárilik zattardyń baǵalaryn, aqparatty tekserýge arnalǵan Dári-KZ mobıldi qosymshasynan bilýge bolady, dep habarlaıdy Egemen.kz.
Dári-dármekterdiń bólshek satýymen aınalysatyn uıymdar shekteýli baǵadan asyrmaı satýy tıis. Alaıda, dári-dármekter tapshylyǵyn paıdalanyp baǵany sharyqtatyp otyrǵan kásipkerler de joq emes. Bekitilgen ereje saqtalmaǵan jaǵdaıda, ıaǵnı dári baǵasy zańsyz kóterilgeni anyqtalsa, uıym, ákimshilik jaýapkershilikke tartylady. Oblys ákimdigi janynda qurylǵan KOLL-ortalyǵyna 30-11-77 nomerine habarlasýǵa bolady.
Departament mamandary zańǵa sáıkes dárihanalardaǵy dári-dármekterdiń baǵalaryn telefon arqyly baqylap otyrady. Ásirese resept arqyly bosatylatyn dáriler qatań qadaǵalaýda bolady.
30 maýsymda Mańǵystaý oblysy Ákimshiligi, Mańǵystaý oblysy provızorlar men farmasevter qaýymdastyǵy jáne «Qazaqstan Respýblıkasy Densaýlyq saqtaý mınıstrliginiń taýarlar men kórsetiletin qyzmetterdiń sapasy men qaýipsizdigin baqylaý departamenti» Respýblıkalyq memlekettik mekemesi arasyndaǵy dárilik zattarǵa qajettiliktiń ósýine qatysty máseleler boıynsha yntymaqtastyq týraly memorandýǵa qol qoıyldy. Dárihanalarda bir adamǵa beriletin dári-dármekterdiń kólemin shekteý maqsatynda Mańǵystaý oblysyndaǵy dárihanalarǵa Departament mamandary telefon arqyly habarlasyp, eskertilýde. Dári-dármek tapshylyǵyn turaqtandyrý maqsatynda tótenshe jaǵdaılardyń saldarynan ólkemizge dárilik zattar bir rettik kirgizý úshin kelisimder júrgizilýde.