Jas ǵalymdardyń úzdik ınnovasııalyq jobalaryn anyqtaý, ǵylymı-zertteý jumysynda, shyǵarmashylyqta, stýdenttik ózin-ózi basqarýda, sportta belsendi qatysqan stýdentterdi anyqtaý jáne yntalandyrý jáne ǵylym men bilimdi damytý úshin ortaq biriktirýshi alań qurýdy maqsat etken joba aıasynda qazaqstandyq stýdent úzdik dep tanyldy.
Qazaqstan ǵalymdary kongresiniń qoldaýymen "Bóbek" Jalpyulttyq qozǵalysy Qaýymdastyq nysanyndaǵy zańdy tulǵalar birlestigi uıymdastyrǵan "TMD-nyń úzdik stýdenti-2020" respýblıkalyq jobasynda Abaı atyndaǵy QazUPÝ "Defektologııa" mamandyǵynyń, "Arnaıy bilim berý" kafedrasynyń, pedagogıka jáne psıhologııa ınstıtýtynyń 3 kýrs stýdenti Esengeldi Tamırıs qatysqan bolatyn.
TMD stýdentteriniń yntymaqtastyǵyn qalyptastyrý jobasyna О́zbekstan Respýblıkasy, Tájikstan Respýblıkasy, Belarýs Respýblıkasy, Reseı Federasııasy jáne t. b. eń úzdik stýdentteri qatysty.
Baıqaý nátıjesi boıynsha Esengeldi Tamırıs (ǵylymı jetekshisi: p. ǵ. k., aǵa oqytýshy M.J. Quljabaeva) estelik medalmen, I dárejeli dıplommen marapattaldy jáne "Talantty jastar ensıklopedııasy" Respýblıkalyq stýdenttik kitap toptamasynyń úzdik stýdentteriniń II jınaǵyna endi, sonymen qatar onyń ómirbaıany ISBN halyqaralyq standartty nómirin berý jınaǵynda jarııalandy.