Abaı atyndaǵy Qazaq ulttyq pedagogıkalyq ýnıversıteti bilim berýdi damytýdyń 2011-2020 jyldarǵa arnalǵan memlekettik baǵdarlamasynda qoıylǵan mańyzdy mindetterdi júzege asyrýda oqý ornynyń qyzmetin ındıkatıvti josparlaýdyń jáne reıtıngtik baǵalaýdyń aqparattyq júıesin engizgen bolatyn, dep habarlaıdy Egemen.kz.
Osy júıe negizinde ınstıtýttardyń, kafedralardyń, professor-oqytýshylar quramynyń jyl saıynǵy oqý-ádistemelik, ǵylymı-zertteý, tárbıe jáne halyqaralyq baılanys jumystarynyń kórsetkishteri anyqtalyp, qorytyndylanady.
2019-2020 oqý jylyndaǵy ındıkatıvti josparlaýdyń jáne reıtıngtik baǵalaýdyń aqparattyq júıesiniń qorytyndysy boıynsha Tarıh jáne quqyq ınstıtýty reıtıngtiń eń joǵarǵy kórsetkishin kórsetse, quqyqtaný kafedrasy ýnıversıtettegi 62 kafedrany basyp ozyp, 1-shi oryndy ıelendi.
Professor-oqytýshylar quramynyń arasynda top bastap turǵan quqyqtaný kafedrasynyń meńgerýshisi, zań ǵylymdarynyń doktory, professor Býrıbaev Ermek bolsa, ekinshi orynda atalǵan kafedranyń professory, zań ǵylymdarynyń doktory Hamzına Janna boldy.
Atalǵan kórsetkish kafedranyń jyl boıy úlken uıymshyldyqpen, jaýapkershilikpen, qyzyǵýshylyqpen jasalǵan jumystardyń nátıjesi dep sanalady.