Búgingi derek boıynsha Almaty oblysynda koronavırýs juqtyrǵandar sany 2479 adamǵa jetti. Munyń ishinde 838 adamnyń boıynnan indet sımptomy anyqtalǵan. Al dertten 1290 adam aıyǵyp, jazylyp shyqty, - dep habarlaıdy Egemen.kz.
Jalpy oblysta 5581 adam medısına qyzmetkerleriniń baqylaýyna alynǵan. Onyń ishinde stasıonarlyq emdeýde 2583 naýqas bolsa, 895 sıpmtomsyz naýqas úı jaǵdaıynda emdelip jatyr. Al úıde oqshaýlanǵandar sany – 2103 adam.
- Iınfeksııalyq aýrýhanalardaǵy reanımasııa bólimderinde aýyr jáne óte aýyr jaǵdaıdaǵy 41 pasıent bar. Olardyń otyz toǵyzy eresek adam, ekeýi bala. 15 naýqas ókpeni jasandy jolmen jeldetý apparatyna qosylǵan. Jalpy, sońǵy aptada ınfeksııanyń ósý qarqyny 4 paıyzdy qurady. Oblysta epıdemııaǵa qarsy jáne zalasyzdandyrý sharalary jalǵasýda, - dedi búgin Almaty oblysyndaǵy indetpen kúres jumysynyń barysymen tanystyrǵan oblys ákimniń orynbasary Batyrjan Baıjumanov.