Jer úıde turatyn elordalyq otbasylar túgel kógildir otynmen qamtylatyn kún jaqyn. Bul týraly Nur-Sultan ákimi Altaı Kólginov málimdedi, - dep habarlaıdy Egemen.kz.
Gazdandyrý jobasynyń birinshi kezeńinde-aq aýaǵa taralatyn 40 myń tonna zııandy zat joıylady. Kóktal 1, Kóktal 2, Agroqalashyq, Promyshlennyı, Jeleznodorojnyı jáne ońtústik-shyǵys aýdanyna jylytý maýsymyna deıin gaz júrgiziledi, - dedi Kólginov.
Al ekinshi kezeńde Mıchýrıno, Internasıonalnyı, Kúıgenjar, Telman, Prıgorodnyı, Garden Village jáne Family Village turǵyn úı alaptaryna gaz tartylady. Sosyn qalaǵa irgeles jatqan Qaraótkel jáne Shubar, О́ndiris aýdandary kógildir otynmen qamtylady.
Bul aýmaqtaǵy jumystar úsh jylǵa josparlanǵan. Turǵyndardan talap etiletini gaz jelilerine qosylatyn pesh ornatyp qoıý. Al eseptegish qural tegin ornatylýy múmkin.