Bas sanıtarlyq dárigerdiń qaýlysymen aldaǵy senbi, jeksenbi kúnderi, ıaǵnı shildeniń 11 men 13-i aralyǵynda aımaqta lokdaýn rejimi engiziledi. Talap boıynsha oblys turǵyndaryna úıden jumysqa barý úshin, sondaı-aq, em alýǵa, dári-dármek, azyq-túlik, qoqys tógýge, jeke kólikpen saıajaıǵa barýǵa ǵana ruqsat etiledi, - dep habarlaıdy Egemen.kz
Oıyn-saýyq jáne saýda nysandary, qoǵamdyq tamaqtaný oryndary, bazarlar, saıabaq, jaǵajaılar jabylyp, qoǵamdyq kólikter toqtaıdy. Alaıda qala ákimdiginiń kelisimimen qurylǵan arnaıy keste boıynsha saıajaılarǵa qatynaıtyn avtobýstar qozǵalysyna shekteý joq.
"Ár azamattyń jaýapkershiligi eldegi jaǵdaıdy túzeýge kómegin tıgizedi. Sondyqtan, usynylǵan sharalardy saqtaı otyryp, ózińizdi jáne jaqyndaryńyzdy indetten qorǵaýǵa atsalsyńyz", - dedi Qostanaı oblysynyń bas memlekettik sanıtarlyq dárigerdiń orynbasary Iý. Sevostıanov.
Qostanaı oblysy