Maqat aýdanyndaǵy gaz quıý stansııasynyń janynda turǵan kólik órtenip, sodan soń jaryldy. Oblystyq Tótenshe jaǵdaılar departamenti baspasóz qyzmetiniń málimetinshe, kólik keshe keshte órtenipti, - dep habarlaıdy Egemen.kz
"Departamenttiń dıspetcherlik pýltine 10 shildede saǵat 21:40-ta "ÝAZ" kóliginiń órtengeni týraly habar tústi. "Dossor-Atyraý" tas jolynyń boıynda ornalasqan "Promgaz" JShS-niń gaz quıý stansııasynyń qasynda 2007 jyly shyqqan avtokólik órtendi. О́rt kezinde kólik jaryldy" -dep habarlady departamenttiń baspasóz qyzmeti.
Tilsiz jaýdy aýyzdyqtaýǵa "Semser" jáne Maqat aýdandyq №8 órt sóndirý bóliminiń 10 qyzmetkeri men 2 tehnıkasy jumyldyryldy. О́rtten eshkim zardap shekpedi.