Oblys ortalyǵynda paıda bolǵan jańa qyzmet tobynyń quramynda bir dáriger jáne bir medbıke bar. Mobıldi brıgadalardyń basty mindeti – ambýlatorlyq em alyp jatqandarǵa, úı karantınindegilerge, sondaı-aq densaýlyǵy nasharlaǵan sımptomsyz naýqastarǵa dárigerlik kómek kórsetý bolyp tabylady. Sonymen qatar, naýqastarǵa memleket beretin tegin dári-dármekterdi de jetkizip beredi, - dep habarlaıdy Egemen.kz.
Aımaq basshysy Arhımed Muhambetovtiń Instagram akkaýntynan alynǵan málimet boıynsha, medısınalyq mobıldi toptar kún saıyn tańǵy saǵat 8:00-den túngi 00:00-ge deıin jumys isteıdi.
Dárigerlerdi kólikpen qamtamasyz etý úshin jergilikti bıýdjetten arnaıy qarjy qarastyrylǵan. Qostanaıdaǵy taksı kompanııalarynyń biri mobıldi toptardy tasymaldaýǵa 12 avtokólik bólip otyr.
Qostanaı oblysy