Sporttyń tórelik soty (CAS) "Manchester Sıtıdiń" apellıasııalyq shaǵymyn qanaǵattandyryp, olardy eýrokýboktardan eki maýsymǵa shettetý týraly sheshimniń kúshin joıdy. Bul týraly sottyń baspasóz qyzmeti habarlady, dep jazdy Prosports.kz.
Esterińizge sala keteıik, qysta ÝEFA "Manchester Sıtı" klýbynyń qarjylyq alaıaqtyq jasap, shyǵyndaryn jasyrý úshin demeýshilik kelisimsharttardan tólengen tólemderdi qasaqana asyryp kórsetkenin habarlaǵan bolatyn.
Osy árketi úshin sheneýnikter anglııalyq komandany 2020/2021 jáne 2021/2022 maýsymdarda Chempıondar lıgasy men Eýropa lıgasynan shettetip, 30 mıllıon eýro kóleminde aıyppul salý týraly sheshim qabyldaǵan bolatyn.
Osydan keıin "Manchester Sıtı" apellıasııalyq shaǵym túsirdi. Olardyń shaǵymy ishinara oryndalyp otyr. Endi olar eýropalyq jarystarǵa qatysa alady. Biraq 10 mıllıon eýro aıyppul tóleýge týra keledi.