Qazaqstanda nannyń ortasha baǵasy bir jyl ishinde 10,5%-ǵa ósti. Bıdaı unynan jasalǵan birinshi suryptaǵy nan baǵasy 9,2%-ǵa, joǵary sortty unnan jasalǵan nan baǵasy - 13,5%, qara bıdaı nany 12,6% qymbattady. Bul týraly ranking.kz habarlaıdy, - dep jazady Egemen.kz.
Qazaqstan qalalarynda 1 keli bıdaı unynan jasalǵan birinshi suryptaǵy nannyń ortasha baǵasy 151 teńge (bir jylda +9%), joǵary sortty unnan jasalǵan nannyń 1 kelisi baǵasy - 289 tg (+13,6%), qara bıdaı nanynyń bir kelisi 249 teńgeni qurady (+13,8%).
Ásirese, bıdaı unynan jasalǵan birinshi suryptaǵy nan baǵasy Atyraý (kelisi 178 tg), Aqtaý qalalarynda (173 tg) qymbattaǵan. Al, eń arzan baǵa Almaty (kelisi 132 tg) jáne Taraz (kelisi 138 tg) qalalarynda.
Sońǵy bir aıda Kókshetaýda nan baǵasy aıtarlyqtaı qymbattady (5,6%), kelisi 169 teńgege deıin, al, Taraz qalasynda bir jyl ishinde 27,8%-ǵa qymbattady.
Al, qara bıdaı nany Nur-Sultan (kelisi 315 tg), О́skemen (314 tg) jáne Semeı (313 tg) qalalarynda qymbat. Mundaı nandy arzan baǵaǵa Aqtóbe men Taldyqorǵanda satyp alýǵa bolatyn (kelisi 187 teńge).
2020 jyldyń qańtar-mamyr aralyǵynda Qazaqstanda nan óndirisi 292,8 myń tonnany qurady, bul ótken jyldyń sáıkes kezeńimen salystyrǵanda 1,3% az.