AQSh prezıdenti laýazymyna úmitkerler arasynda reper Kane Ýest saılaýshylar arasynda qoldaý deńgeıi boıynsha Donald Tramp pen Djo Baıdennen qatty ese jiberdi, dep jazady Egemen.kz Redfield & Wilton Strategies júrgizgen saýalnamaǵa silteme jasap.
Saýalnamaǵa qatysýshylardyń 2%-y Ýesti, 39%-y Trampty, al 48%-y Baıdendi qoldaǵan.
Respondentterdiń 56%-y Ýesttiń saılaýǵa qatysý nıetiniń mańyzdylyǵyna senbegen, 24%-y bul sheshimine kúmánmen qaıraıdy, tek 20%-y onyń prezıdent laýazymy úshin kúresýge nıetti ekenine sengen.
Sondaı-aq 55% qatysýshylar Ýestti saılaýǵa qatysý nıeti týraly málimdegeni úshin aıyptasa, 18%-y qoldaý kórsetken.
Onlaın-saýalnama 9 shildede ótkizildi. Saýalnamaǵa 2 myń adam qatysty.
Redfield&Wilton Strategies Brıtandyq zertteý kompanııalary qaýymdastyǵyna kiredi. Onyń zertteýleri jergilikti BAQ-ta jıi jarııalanady.
Esterińizge sala keteıik, 5 shilde kúni Kane Ýest AQSh prezıdenttigine saılaýǵa túsetindigi týraly habarlaǵan bolatyn.