Búgin túnde "Atyraý-Oral" tas jolynda "Toyota Camry" kóligi aýdarylyp, oqıǵa ornynda eki adam kóz jumdy. Al, jol-kólik apatynan alǵan jaraqatpen aýrýhanaǵa túsken eki adam da baqılyq boldy.
Oblystyq polısııa departamenti baspasóz qyzmetiniń aqparatyna súıensek, qaıǵyly oqıǵanyń búgin, 16 shildedesaǵat 00:30 shamasynda "Atyraý-Oral" tas jolynyń Atyraý qalasyna kireberisinde bolǵany anyqtalyp otyr.
"Kólikti 1999 jyly týǵan azamat basqarǵan. Ol basqarý júıesin ıgere almaı, kóligin aýdaryp alǵan. Jol-kólik oqıǵasynan eki jolaýshy oqıǵa ornynda mert boldy. Kólik júrgizýshisi men bir jolaýshy oblystyq aýrýhananyń jansaqtaý bólimshesinde kóz jumdy. Qazirgi kezde taǵy bir jolaýshy ár túrli dene jaraqatymen aýrýhananyń jansaqtaý bóliminde jatyr" -dep habarlady baspasóz qyzmetinen.