Reseımen shekaralas Qurmanǵazy aýdanynda qaıyq aýdarylyp, 1979 jylǵy er adam sýǵa ketip qaldy. Oblystyq Tótenshe jaǵdaılar departamentiniń málimetinshe, ózen ústindegi oqıǵa keshe, 15 shildede saǵat 21:56-da Qurmanǵazy aýdanynda bolypty.
"Qıǵash ózeniniń Birlik aýyldyq okrýgindegi Iаgodkın ýchaskesiniń tusynda qaıyq aýdarylyp, 41 jastaǵy er adam sýǵa batyp ketken. Ol ózendi qaıyqpen kesip ótpek bolǵan. Búgin saǵat 06:30-da sýǵa batqan adamdy izdeý bastaldy. Izdestirý jumysyna jedel qutqarý jasaǵynyń 4 qyzmetkeri men 1 júzý quraly tartyldy" - dep habarlady departamenttiń baspasóz qyzmetinen.