Qostanaı oblysynyń taýarlar jáne kórsetiletin qyzmetterdiń sapasy men qaýipsizdigin baqylaý departamenti men prokýratýra mamandary 70 shaqty dárihanaǵa tekseris júrgizdi, - dep habarlaıdy Egemen.kz.
Reıd sharalary barysynda dári-dármek baǵasyn negizsiz qymbattatýǵa qatysty 14 hattama toltyrylǵan. Búginde taýarlar jáne kórsetiletin qyzmetterdiń sapasy men qaýipsizdigin baqylaý departamenti 9 materıaldy tekserip jatyr.
"Shildeniń 9-y men 20-sy aralyǵynda ótken tekseris sharalary barysynda birqatar dárihanalarǵa QR ÁK 426 babynyń 1 bólimi boıynsha ákimshilik aıyppul salynady. Aıyppul kólemi 70 AEK-ten 1000 AEK-ke deıin, ıaǵnı 194 460 teńgeden 2 778 000 teńgege deıin" - dep habarlady departamenttiń baspasóz qyzmeti.
Aıta keteıik, reıd sharalary áli de jalǵasady.
Qostanaı oblysy