Emhana dárigerleriniń baqylaýynda

Ortalyq kommýnıkasııalar qyzmetiniń alańynda Nur-Sultan qalasyndaǵy №5 em­ha­nanyń dırektory Altynshash Tabýl­dına jáne №9 emhananyń dırektory Sáýle Smaǵulova pandemııa jaǵdaıyndaǵy ambýlatorııalyq-emhanalyq uıymdardyń qyzmeti jóninde aıtyp berdi.

Algorıtmge sáıkes emhana mamandary kún saıyn KVI-diń jeńil jáne sımptomsyz túrimen aýyrǵan turǵyndarǵa qońyraý shalyp, habar alyp turady. Jalpy dárigerler naýqastardyń jaǵdaıyn, dene qyzýyn bilip, jótel, tynys alýdyń nasharlaýy, álsizdik, tersheńdik, dıareıa, bórtpe sııaqty belgilerdiń bar-joǵyn anyqtaıdy.

«Klınıkalyq sımptomdar paıda bo­lyp, jaǵdaıy nasharlaǵan naýqas­tar­dy aýrýhanaǵa jatqyzý qarasty­rylady. On­daı turǵyndardy kompıý­ter­lik tomografııadan ótkizip, qajetti taldaý­lar júrgizip, ári qaraı aýrýhanaǵa jatqy­zylady. Dene qyzýy úsh kúnnen artyq emes jáne sımptomdar bolmaǵan jaǵ­daıda PTR-testti qaıta tapsyrý qajet­siz naýqasty baqylaýdan alyp tastaımyz. Sondaı-aq COVID-19 anyqtalǵan, biraq sımptomsyz naýqastar sanaty bar. Biz olardy 14 kún boıy baıqaımyz. Eger osy kezeńde eshqandaı sımptomdar baı­qalmasa, naýqas ózin jaqsy sezinse, biz ony qandaı da bir zertteý júrgizbesten, sonyń ishinde PTR-dıagnostıkadan ótkizbesten baqylaýdan alyp tastaı alamyz», dedi Altynshash Tabýldına.

Onyń aıtýynsha, ambýlatorlyq kezeńde adamdardyń ózin ózi emdeýi, dári-dármekterdi óz betinshe satyp alýy, tipti keıbireýi tamshylatyp dári egýi kúrdeli másele bolyp tur.

Al №9 emhananyń dırektory Sáý­le Smaǵulova barlyq ambýlatorııa- lyq-klınıkalyq uıymdarda COVID-19 anyqtaý úshin PTR-dıagnostıka úshin bıo­ma­terıal alynatyn provızorlyq bó­lim­she­ler, naýqastardy shuǵyl qabyldaýǵa ar­nal­ǵan qosymsha fıltr-kabınetter ashylǵanyn jetkizdi.

Emhanalarda jumys isteıtin mobıldi brıgadalar naýqastardy úıine baryp qa­raıdy, temperatýrasyn, arterııalyq qan qysymyn, tamyrdyń soǵýyn, qandaǵy ottegi mólsherin ólsheıdi. Aýrýdyń belgi­leri baıqalǵan jaǵdaıda, PTR-dıagnos­tıkaǵa bıomaterıal alady. Sonyń qory­tyndysy boıynsha emdeý taǵaıyndalady.

Sonymen qatar emhanalarda ambý­latorııalyq dári-dármekpen qamtamasyz etý brıgadalary jumys isteıdi. Olar sozyl­maly aýrýlary bar adamdarǵa dári-dármekti úıge jetkizip beredi.

Barlyq beıindi mamandar men ýchas­kelik terapevtter qashyqtan onlaın-rejim­de jumys isteıdi. Ol úshin mobıldi qosymsha arqyly ýchaskelik dárigerdiń qabyl­daýyna aldyn ala jazylýǵa jáne onlaın-rejimde medısınalyq keńes alýǵa bolady. Qajet bolǵan jaǵdaıda ýchas­kelik dáriger beıindi mamanǵa keńes alýǵa jiberedi.

Suraq-jaýap barysynda dárigerler tumaýǵa qarsy ekpe egý týraly aıtty.

«Tumaýǵa qarsy ekpe egý Ulttyq egý kúntizbesine kirmeıdi. Biraq jergilikti bıýd­jet esebinen dıspanserlik esepte tur­ǵan, sozylmaly aýrýlary bar adam­darǵa, qaýipti toptaǵy balalarǵa, júkti áıelderge, sondaı-aq medısına qyzmet­ker­lerine jyl saıyn ekpe satyp alynady. Meniń oıymsha, osy jyly bul jumys jalǵasyn tabady jáne vaksınany qajet bolǵan jaǵdaıda erterek ótkizemiz», dedi №5 emhananyń dırektory.

Atalǵan emhanada COVID-19 indetiniń jeńil túri anyqtalǵan 16 júkti áıel dárigerlerdiń udaıy baqylaýynda bolyp, nátıjesinde barlyǵy deni saý balany dúnıege ákeldi.