Almatyda Kókjaılaý shatqalyndaǵy «Almaty Superski» taý kýrortyn salý jobasyna qatysty qoǵamdyq tyńdaý ótip jatyr. Oǵan memlekettik organdar ókilderi, ekologtar, sarapshylar, qoǵam belsendileri jáne qala turǵyndary jınaldy, dep habarlaıdy Egemen.kz.
Jıyn barysynda Almaty taý klasterin damytý, týrıstik ınfraqurylymdy jetildirý, ekologııalyq talaptar men tabıǵı aýmaqtardy saqtaý máseleleri talqylanady.
Aıda Balaeva: Almaty Superski taýdaǵy týrızmdi damytýdyń úlgisine aınalýǵa tıis
Tyńdaý barysynda jobaǵa qatysty usynystar men pikirler qaralyp, ınfraqurylymdyq bastamalardyń Ile Alataýy tabıǵatyna áseri talqylanady.
«Almaty Superski» jobasy – Almaty qalasynyń mańynda halyqaralyq deńgeıdegi zamanaýı taý kýrortyn qurýǵa baǵyttalǵan keshendi bastama. Joba qysqy týrızmdi (shańǵy, snoýbord) damytýmen qatar, jaıaý serýen baǵyttaryn, ekotýrızmdi jáne sporttyq belsendilikterdi qamtıtyn jyl boıǵy demalys ınfraqurylymyn damytýdy kózdeıdi.
Buǵan deıin Kókjaılaý jerleri ulttyq park quramynan shyǵarylmaıtyny týraly habarlaǵan edik.