Osy ýaqytqa deıin elimizdiń kóptegen qalalarynyń qoǵamdyq kólik júıesine engizilgen tehnologııanyń sońǵy jańalyqtary Tarazǵa da kelip jetti, dep habarlaıdy Egemen.kz
Aǵymdaǵy jyldyń 1 tamyzynan bastap Taraz qalasyndaǵy qoǵamdyq kólikterdiń salondaryna elektrondy jol júri kartasy arqyly tólem jasaýǵa arnalǵan valıdatorlar men termınaldar kezeń-kezeńimen ornatylatyn bolady.
Taraz qalalyq ákimdiginiń málimetinshe, qala aýmaǵyndaǵy qoǵamdyq kólikterde jol júrý úshin barlyq jolaýshylarǵa elektrondyq karta arqyly tóleý kezinde jol aqysy 65 teńge, al mektep oqýshylaryna 30 teńge bolyp otyr.
Al elektrondy kartasy joq azamattar úshin qolma-qol jol aqysyn tóleý quny 130 teńgeni quraıdy. Týra osyndaı jaǵdaı mektep oqýshylary úshin 65 teńge bolyp bekitilgen. Búgingi tańda qala ákimdigi SAPARCARD elektrondy jol júrý tólem kartalaryn ańymdaǵy jylǵy 27 shildeden bastap satylatynyn málimdedi.
Aıta ketý kerek, kartalardyń jaramdylyq merzimi shektelmegen. Atalǵan jol júrý kartalaryn Taraz qalasyndaǵy Mámbet batyr kóshesindegi "Aýyl-Bereke", "Bek" bazarlarynyń, B.Momyshuly kóshesinde ornalasqan "Qaıqarmet" bazarynyń aıaldamasynda jáne Baızaq batyr kóshesiniń boıyndaǵy "Temir jol" dıspetcherlik pýnkti sııaqty kópshilikke belgili oryndardan satyp alýǵa bolady.
Jambyl oblysy