21 shildeden bastap Almaty – Jezqazǵan baǵyty boıynsha turaqty áýe qatynasy ashyldy. Bul týraly Egemen.kz IIDM baspasóz qyzmetine silteme jasap habarlaıdy.
"Qazaq Air" avıakompanııasy ishki baǵyttar boıynsha suranysty qanaǵattandyrý maqsatymen sýbsıdııalanatyn avıabaǵyttarǵa qosymsha konkýrs nátıjesi boıynsha 21 shildeden bastap Almaty – Jezqazǵan baǵyty boıynsha turaqty reısterdi oryndaýdy bastady", - delingen habarlamada.
Bir baǵytqa bılettiń kuny – 20 000 tg.
"SCAT" avıakompanııasy oryndaıtyn aptasyna 2 reıske "Qazaq Air" avıakompanııasynyń qosymsha 2 reısin qosýǵa ruqsat etildi. Qazirgi ýaqytta atalǵan baǵyt boıynsha aptasyna 4 reıs oryndalady.
"Qazaq Air" áýe qatynastary seısenbi jáne senbi kúnderi myna keste boıynsha oryndalady: Jezqazǵan (12:00) – Almaty (13:55); Almaty (14:30) – Jezqazǵan (16:25). Barlyq reıs syıymdylyǵy 76-dan 86 orynǵa deıingi "Bombardier" áýe kemelerimen oryndalady.